Outro método de vacinas sen agullas

Neste video do canle de YouTube Noticias de la ciencia Noticiencia explícase un sistema de vacinación sen agullas aínda máis práctico que o que xa comentamos previamente neste blog. Sen dúbida un gran avance para a medicina moderna:

Inxeccións sen agullas

Para esa clase de xente que sinte pánico so con mencionar o tema das agullas nas vacinas e demais procedementos médicos, o seu temor podería deixar de existir en breve.

Grazas a estudos realizados no MIT (Massachusetts Institute of Technology) se desenvolveu un sistema que permite inxectar unha gran variedade de fármacos a través da pel baseandose nas forzas de Lorentz, aquelas que se xeran polo campo magnético ao recibir unha particula cargada electricamente. Isto é posible grazas ao imán que contén, rodeado por unha bobina de alambre conectada a un émbolo que contén os fármacos. Iste sistema xera a forza suficiente para empuxar un pistón que provoca a apertura dunha cápsula que libera os produtos desexados a gran velocidade a través da pel.

Heartmate II

Ese é o nome dun novo dispositivo de asistencia ventricular que pode axudar a millóns de persoas con problemas cardíacos a redor do mundo.

O heartmate II é unha "bomba" cardíaca substitutiva dun trasplante de corazón. Esta é insertada no abdome e, mediante un diminuto motor de turbina, envía sangue osixenada dende o corazón debilitado ao resto do corpo.

Según o doutor da Universidade de Duke, Joseph Rogers, coautor dun estudo sobre o dispositivo, a esperanza de vivir dous anos aumentou considerablemente e permite aceptar a pacientes que antes non tiñan ningún tipo de opción a tratamento.

Restaurador da visión

Como di a descrición deste curioso aparello: "parece o ollo dun androide do cine pero simboliza unha esperanza para millóns de persoas".



O funcionamento deste dispositivo ocular é o seguinte: unha minicámara acoplada a uns lentes que usa o paciente capta imaxes case do mesmo modo que un ollo real e as transmite de forma inalámbrica a un chip insertado no mesmo. Este chip estimula ás células nerviosas da retina que envían as imaxes ao cerebro mediante o nervio óptico.

John Wyatt, coinventor deste singular aparello declara: non é suficiente para restaurar a visión dun xeito completo pero si o suficiente como para permitir que o suxeito camiñe por lugares familiares sen necesidade de outros útiles como bastón ou un perro guía.